સાસુએ પુત્રવધૂની ફેસબુક પોસ્ટ પર એવી કોમેન્ટ કે સંબંધ તૂટી ગયો!

પુત્રવધુના ફેસબુક ફ્રેન્ડમાં 70 વર્ષના સાસુ અને સસરા પણ હતા. સાસુએ પુત્ર વધુની પોસ્ટ પર કરતા હતા કોમેન્ટ

એક મહિલાએ સાસુ-સસરાથી ગુસ્સે થવાનું કારણ એક પોર્ટલને આપ્યું છે. આ કારણ જાણીને તમને પણ આશ્ચર્ય થશે. મહિલાએ લખ્યું છે કે મારા સાસુ-સસરા ઘણા સારા છે પરંતુ સોશિયલ મીડિયા પર તેમનું વલણ મારી સાથે ખૂબ વિચિત્ર હતું. મહિલાએ લખ્યું, ‘મારા સાસુ ફેસબુક પર મારા ફ્રેન્ડલિસ્ટમાં હતા અને તે મારી દરેક પોસ્ટ પર કોમેન્ટ કરતા હતા. જો હું મારા બાળકનો ફોટો મૂકું તો તે મારી ખૂબ પ્રશંસા કરતા પણ જ્યારે હું મિત્રો સાથે મારો ફોટો પોસ્ટ કરતી ત્યારે તે મને શરમજનક સ્થિતિમાં મૂકી દેતા હતા.’

મહિલાએ લખ્યું કે, ‘હું 40 વર્ષની પણ નથી અને 68 વર્ષની વય સુધી હું જે ઇચ્છું તે પહેરી શકું છું, પરંતુ મારા સાસુ-સસરા ઘણીવાર મારા ફોટા પર કોમેન્ટ કરતા હતા. મારા એક ફોટો પર મારા સાસુએ લખ્યું છે કે મને આશા છે કે તારા બાળકો તને આ સ્થિતિમાં જોશે નહીં. તેમનું કહેવું હતું કે હું તે ફોટોમાં નશામાં હતી.

મહિલાએ લખ્યું કે પોસ્ટ પર તેની સાસુ-સસરાની વિચિત્ર કોમેન્ટથી નારાજ થઈને મેં તેમને ફેસબુક પર અનફ્રેન્ડ કરી દીધા. આ કારણે તે બંને મારા પર ગુસ્સે થયા. મહિલાએ લખ્યું, ‘મારી સાસુએ મને મેસેજ કર્યો અને પૂછ્યું કે મેં તેને કેમ અનફ્રેન્ડ કર્યા છે. મેં તેમને બોલાવ્યા અને સ્પષ્ટ કહ્યું કે મને તેમની કેટલીક કોમેન્ટ ખૂબ વાંધાજનક લાગે છે અને હું મારા સોશિયલ મીડિયા એકાઉન્ટને મારા કેટલાક મિત્રો સુધી મર્યાદિત કરવા માંગુ છું. સાસુએ આ વાત મારા સાસરાને કરી અને ત્યારબાદથી બંનેએ મારી સાથે વાત કરવાનું બંધ કરી દીધું.

મહિલાએ લખ્યું છે કે મારા પતિએ મારો પક્ષ લઈને તેના માતાપિતાને મારી તરફેણમાં મનાવવાનો પ્રયાસ કર્યો હતો અને કહ્યું હતું કે તે પત્નીને અનફ્રેન્ડ કરવા માટે કશું જ કહી શકતો નથી કારણ કે સામાન્ય રીતે આ ઉંમરની મહિલાઓના ફ્રેન્ડલિસ્ટમાં તેમની સાસુ-સસરા હોતા નથી.

મહિલાએ લખ્યું, ‘તે લોકો ટીનેજરની જેમ વર્તે છે. મને પણ ઘણા લોકોને અનફ્રેન્ડ કર્યા છે પરંતુ મને વાંધો નથી. આ લોકોની ક્રિયાઓ ખૂબ બાલિશ છે. આ લોકો હવે મારા ઘરે પણ આવતા નથી. મારો પતિ બાળકો સાથે ત્યાં જાય છે પરંતુ મને બોલાવવામાં આવતી નથી. જોકે મને તેની કોઈ પરવાહ નથી અને તે ખૂબ જ હાસ્યાસ્પદ છે.

Leave a Reply

Your email address will not be published.