સિક્યોરિટી ગાર્ડનું ટિફિન બોક્સ જોઈને ભલભલાની આંખમાં કેમ આવી રહ્યા છે આંસુ?

સિક્યોરિટી ગાર્ડે જ્યારે ટિફિન ખોલ્યું ત્યારે તેમાં રહેલું ખાવાનું દરેકને હચમચાવી દે તેવું છે. આ સિક્યોરિટી ગાર્ડની વાયરલ થયેલી તસવીર પર લોકો ભારે સંવેદના વ્યક્ત કરી રહ્યા છે. કોઈ ગરીબ વ્યક્તિ ફેંકી દીધેલી વસ્તુઓમાં ખાવાનું શોધતી હોય કે પછી નાખી દીધેલા ફૂટ પેકેટમાં રહેલું ખાવાનું શોધીને ખાતી હોય તેવું ઘણી વખત સામે આવ્યું છે. આવામાં આ સિક્યોરિટી ગાર્ડ જે રીતે પોતાનું ટિફિન બોક્સ ખોલીને બેઠો છે તેમાં રહેલી વસ્તુઓ લોકોના હૃદયને હચમચાવી રહી છે.

સોશિયલ મીડિયા એક એવું પ્લેટફોર્મ છે કે જેનો ઉપયોગ લોકોને સારા કામ તરફ દોરવા માટે અને સમાજમાં થઈ રહેલી ખરાબ કામને લોકોની સામે લાવવા માટે બહોળો ઉપયોગ થતો હોય છે. આજ રીતે એક સિક્યોરિટી ગાર્ડની તસવીર પણ હજારો લોકો સુધી પહોંચી ગઈ છે અને તેના પર લોકો પોતાનો મત રજૂ કરી રહ્યા છે. સિક્યોરિટી ગાર્ડના હાથમાં રાંધ્યા વગરનો ખોરાક છે જે તેને પોતાના ટિફિન બોક્સમાંથી ખાતો દેખાય છે.

સિક્ટોરિટી ગાર્ડ અને તેના ટિફિનની જે તસવીરો સામે આવી છે તે ભલભલા કઠણ કાળજાવાળાને હચમચાવી દેનારી છે. આ તસવીરમાં દેખાતો સિક્યોરિટી ગાર્ડ મલેશિયાનો હોવાનું માનવામાં આવી રહ્યું છે. જેના ટિફિન બોક્સમાં પલાળેલા ચોખા, એક આખી છોલેલી ડુંગળી અને આદુના થોડાક ટુંકડા દેખાય છે, જેને તે ખાઈ રહ્યો છે. બે તસવીરો શેર કરવામાં આવી છે જેમાં એકમાં સિક્યોરિટી ગાર્ડ પોતાના હાથમાં ટિફિન લઈને બેઠો છે જ્યારે બીજી તસવીરમાં ટિફિન બોક્સમાંથી શું નીકળે છે તે દર્શાવવામાં આવ્યું છે.

એપિટ લિડ નામ ફેસબૂક યુઝરે આ તસવીરો શેર કરી છે જેને અત્યાર સુધીમાં હજારો લોકોએ પસંદ કરી છે અને તેના પર પોતાના મત રજૂ કર્યા છે. શેર કરવાની વ્યક્તિએ કેપ્શમાં લખ્યું છે કે, “માણસનું એક ઉદાહરણ… કઠોર મહેનત કરનાર… આ વ્યક્તિનો પગાર એટલો જ છે જેટલો બીજાનો હોય છે.. પરંતુ શા માટે તે આદુ + પલાળેલા ચોખા + મોટી ડુંગળી ખાય છે?” આગળ આ પોસ્ટના કેપ્શનમાં એમ પણ લખવામાં આવ્યું છે કે, “કારણ કે તે પોતાના પરિવારને પ્રેમ કરે છે.. તે રુપિયા બચાવવા માગે છે અને બચેલા રુપિયા તે પોતાના ગામડે રહેતા પરિવારને મોકલશે.”

ઘણાં યુઝર્સ એવી સલાહ આપી રહ્યા છે કે આપણે માત્ર આપણો જ નહીં પરંતુ બીજાનો પણ વિચાર કરવો જોઈએ. જો આપણું જમવાનું વધી જતું હોય તો તેને ફેંકી દેવાના બદલે યોગ્ય વ્યક્તિ સુધી પહોંચાડવાનું કામ કરવું જોઈએ. આ સિવાય લોકો આ સિક્યોરિટી ગાર્ડને મદદ કરવા માટે આગળ આવવા માટે પણ કહી રહ્યા છે.

Leave a Reply

Your email address will not be published. Required fields are marked *